2025
XXXI. dFERIAk marka guztiak hautsi ditu
2025eko dFERIAk marka historikoa ezarri du bere adierazle nagusietan: bertaratutako publikoa, akreditatutako pertsonak eta konpainia parte-hartzaileak. Gainera, nota altuarekin pasa du nazioartekotze helburua, azken urteotan Europari begira egindako apustua, Suitza, Alemania eta Austria herrialde gonbidatu izan dituena. Gainera, dFERIAren aurreko astean, Atelier for Young Festival Managers programa burutu zen, mundu osoko eta diziplina guztietako jaialdi artistikoetako gazte liderrak bildu zituen trebakuntza eta lidergo programa.
dFERIAk sentsazio bikainekin itxi du XXXI. edizioa. 17.749 parte-hartzaile izan dira antolatutako jarduera guztietan: 10.482 ikuskizunetan, batez beste % 85eko okupazio-mailarekin, eta 7.267 dFERIAko jarduera profesional eta ekitaldietan.
Akreditatutako pertsonen kopuruak dFERIAren marka guztiak gainditu ditu; mugarri bat eta era berean izugarrizko erronka izan da erakundearentzat; 2024an baino %16 gehiago hazi baita, 712 profesional akreditatuta. Horietatik, 300 inguru programatzaile, 84 banatzaile, 175 ekoizle edo konpainia-ordezkari, 84 instituzio-ordezkari, 17 kazetari eta kritikari, eta 52 beste sektore batzuetakoak. Aipatzekoa da dFERIAn nazioarteko profesional kopurua % 114 igo dela 2024arekin alderatuta. Edizio honek nazioarteko 152 akreditatu izan ditu (2024an 71 izan ziren), eta horietatik 88 nazioarteko jaialdietako programatzaileak eta ordezkariak izan dira. Kontinente guztietako 40 herrialde baino gehiago ordezkatzen dituzte.
Datu nagusiak
- 17.749 parte-hartzaile baino gehiago
- 33 konpainia, 34 funtzio, 37 ordu oholtza gainean
- 712 profesional, 27 prentsaurreko, 8 eszenatoki
2025eko gaia: Esplotazioa
dFERIA, Donostiako Arte Eszenikoen Feria, hitzordu saihetsezina eta erreferentea da arte eszenikoetako profesionalentzat. Martxoaren 11 eta 14 bitartean jarduera profesionalak eta ikuskizunak txandakatu dira, Donostia arte eszenikoen epizentro bihurtzeko.
Klik bakarrean
Feriaren hasiera. Victoria Eugenia Antzokia. (Argazkia: Gorka Bravo).
Sabes que las flores de plástico nunca han vivido, ¿verdad?, Tanttaka. (Argazkia: Gorka Bravo).
Jarduera profesionalak
dFERIAren baitan emanaldiez gain, hainbat jarduera profesional ere egin dira.
- Miradas Cruzadas Topaketa
Emakumeak edertasunaren etorkizunarekin korrika topaketak arte eszenikoen munduko 15 emakume bildu ditu espazio kontzeptual bakar baten inguruan, bizitzea tokatu zaien garaia aztertzeko asmoz euren giza sentsibilitatea, sormena eta ibilbide profesionala oinarri hartuta. Topaketa bi lan-mahaitan banatu zen, Arte eszenikoen erronkak Trumpen garaiotan eta Krisia sorkuntza-bektore gisa, eta, bertan, ahizpatasunetik abiatuta, krisi garaietan sortzearen gai konplexua jorratu zuten bildutako profesionalek. - Negozio Foroa
Programatzaileen, konpainien eta arte eszenikoen elkarteen arteko topaketa laburren gunea, haien artean lan- eta merkataritza-loturak ezartzeko. Bost minutuko topaketak egin dira, artisten eta tokiko eta nazioarteko programazio arduradunen artean; solaskideak mahaietan banatu dira, interes berak izan ditzaketen lagunak elkartuta. - ADGAEren XVI. Kudeaketa Artean Jardunaldiak
Arte Eszenikoak Banatu eta Kudeatzeko Enpresen Elkarteak antolatutako jardunaldia "Arte eszenikoen nazioartekotzea" izan du hizpide - Aurkezpenak
- Topaketak
Konpainiak
- Amaia Elizaran & Neønymus
Chipi La Canalla
Cidanz Producciones
Colectivo Banquet
Colectivo Glovo
Dance On Ensemble
Els Marquesets
Haatik Dantza
Hika Teatro
Iker Karrera
Karin Schäfer
La Chivata Teatro
La Dramática Errante
La Teta Calva
Les Impuxibles & Pablo Messiez
Lucía Montes & Mado Dallery
- Malicho Vaca Valenzuela
Marcat Dance
Martin Zimmermann
Osa + Mugika
Oscar Perfer & María José de Bustos
Pabellón 6
Pikor Teatro
Producciones Inconstantes
Puntocero Company
Qabalum
Roxana Küwen
Sutottos
Tanttaka Teatroa
Wwweikert & El Mandaito Prod.
Zirkuss
Zirkuss konpainiaren aurkezpena. (Argazkia: Gorka Bravo).
Ongietorria, Tabakaleran. (Argazkia: Gorka Bravo).